孔德贤（Danny）今日（23/5）现身西贡出席慈善网球活动。对于早前《明星足球队》被阵中球员爆料指球队北上踢波后，晚上会再到夜场狂欢揽女作乐。Danny接受《香港01》访问时表示：“其实我都有睇相关报道，但我之前上去嘅时候，去到当地就系晚上10点，然后去食完宵夜就返酒店瞓，第二朝八点就要起身，准备出发比赛，变咗大家食完饭就会返去瞓。（会唔会佢哋去咗你唔知？）咁我又冇问，佢哋话返去瞓觉。”

孔德贤是《明星足球队》成员。（吴子生摄）

孔德贤续说：“其实呢啲传闻，都系任佢噏，佢点讲都得，因为冇人知嘛。咁所以我觉得唔系真嘅嘢就唔好乱咁讲啰，因为如果乱咁讲嘅话，有啲人其实唔系咁样嘅话，觉得唔系咁好，始终正正常去踢波嘛。（加入明星足球队审查严谨？）我就唔清楚，因为系要交返畀校长（谭咏麟）同华哥（黄日华）去处理，而我就系负责去踢波啫。（啱唔啱落夜场玩？）我唔系好适合玩，始终我唔钟意饮酒。”

孔德贤今日出席慈善网球活动。（吴子生摄）